影片
更多
2020-09-30
641 瀏覽
當天喺太子附近覆完診差唔多夜晚六點幾，未有特別book枱搵咩食，普普通通就去左呢間食晚餐啦，因為突然好想食蘿蔔酥~一去到，好快就有人帶位，地方好大，坐位好寬敞。因為都好肚餓，好快就點左野食嚕。兩個人點左四個菜︰原味小籠包、蘿蔔絲酥、鎮江排骨同上海粗炒。等左約十二分鐘，第一度上菜嘅就係小籠包，味道一般無咩特別，個皮有少少厚啦; 食完個小籠包就到蘿蔔絲酥。 呢個蘿蔔絲酥個人覺得好好味呀，入面啲蘿蔔絲熱騰騰嘅，外面個酥唔易碎 (當時心想希望點多一碟添)之後到鎮江排骨，個汁OK嘅，唔太甜，但係唔夠熱嚕; 到個上海粗炒，真係唔多好，好似擺左好耐拎返出黎翻叮咁，麵好痴立立，又係唔夠熱。整體可以嘅，侍應加茶好勤力，唔抱特別大期望呢個價錢食餐晚飯都算OK接受，加一服務費同埋加茶錢大約$26X啦~
一去到，好快就有人帶位，地方好大，坐位好寬敞。因為都好肚餓，好快就點左野食嚕。
兩個人點左四個菜︰原味小籠包、蘿蔔絲酥、鎮江排骨同上海粗炒。
等左約十二分鐘，第一度上菜嘅就係小籠包，味道一般無咩特別，個皮有少少厚啦; 食完個小籠包就到蘿蔔絲酥。
呢個蘿蔔絲酥個人覺得好好味呀，入面啲蘿蔔絲熱騰騰嘅，外面個酥唔易碎 (當時心想希望點多一碟添)
之後到鎮江排骨，個汁OK嘅，唔太甜，但係唔夠熱嚕; 到個上海粗炒，真係唔多好，好似擺左好耐拎返出黎翻叮咁，麵好痴立立，又係唔夠熱。
整體可以嘅，侍應加茶好勤力，唔抱特別大期望呢個價錢食餐晚飯都算OK接受，加一服務費同埋加茶錢大約$26X啦~
張貼
