影片
更多
2017-01-14
282 瀏覽
前日同朋友去完太子買野 本身諗住返屋企食晚飯 但途經呢間餐廳 我地覺得餐廳既裝潢好特別 充滿住濃濃既中國建築特色 入面既設計同中國古代既風格好相似 於是就想入去試下傳統中菜店內裝潢設計別樹一幟 一入門口就見到煮食工作台同埋bar 枱 啲酒杯擺到一排排 同啲中國傳統木製既枱櫈相映成趣 就好似一間中國餐館隔離起左個小酒吧我同朋友坐喺bar枱既隔離 可以睇到佢地煮食既過程 亦都可以第一時間食到新鮮出爐既各種菜式 😎 店入面仲有一個好似廂房既設計 俾食客有更多自己既私人空間～晉家門既餐牌都係中國畫風既設計 紅色既封面入面竟然唔係傳統既中國菜 而係西餐！我地都覺得好驚喜 有沙律、小食、主菜同埋甜品 款式都幾多幾吸引入面既主菜有好多選擇 可以食Risotto Pasta 或者Pizza 我同朋友都不約而同地想食pizza 🍕因爲pizza既toppings 實在係太吸引😍我地另外仲叫左沙律做前菜🥗我地點既沙律係炭燒雞胸凱薩沙律🥙 大大盤好fresh 佢既雞胸肉好滑 有好香既炭燒味 啲生菜同番茄加左芝麻醬 好香口好惹味～ 除左沙律菜之外 仲有一粒粒脆卜卜烘到金黃色既多士粒 食到停唔到口 我地唔洗十分
店內裝潢設計別樹一幟 一入門口就見到煮食工作台同埋bar 枱 啲酒杯擺到一排排 同啲中國傳統木製既枱櫈相映成趣 就好似一間中國餐館隔離起左個小酒吧
我同朋友坐喺bar枱既隔離 可以睇到佢地煮食既過程 亦都可以第一時間食到新鮮出爐既各種菜式 😎 店入面仲有一個好似廂房既設計 俾食客有更多自己既私人空間～
晉家門既餐牌都係中國畫風既設計 紅色既封面入面竟然唔係傳統既中國菜 而係西餐！我地都覺得好驚喜 有沙律、小食、主菜同埋甜品 款式都幾多幾吸引
入面既主菜有好多選擇 可以食Risotto Pasta 或者Pizza 我同朋友都不約而同地想食pizza 🍕因爲pizza既toppings 實在係太吸引😍我地另外仲叫左沙律做前菜🥗
我地點既沙律係炭燒雞胸凱薩沙律🥙 大大盤好fresh 佢既雞胸肉好滑 有好香既炭燒味 啲生菜同番茄加左芝麻醬 好香口好惹味～ 除左沙律菜之外 仲有一粒粒脆卜卜烘到金黃色既多士粒 食到停唔到口 我地唔洗十分鐘就已經成碟食曬 十分開胃😋
食完沙律之後 兩個香噴噴既pizza 就出現喇！我點既係黑松露什菌pizza 而朋友點既係千島蜜桃煙鴨胸pizza🍕呢個黑松露什菌pizza 用既係薄底pizza 上面有好多好香濃既芝士 仲有一堆堆什菌同埋黑松露醬🍄 我自己本身好中意食用黑松露烹調既菜式 之前會揀黑松露意粉 黑松露意大利飯呢類既料理～我好中意黑松露加埋什菌呢種好簡單好純粹既味道 食完之後又唔覺得油膩 反而覺得好香口 好有滿足感 啲什菌好爽口彈牙☺
千島蜜桃煙鴨胸pizza 賣相好吸睛 每片pizza上面都有大量半溶芝士、一片厚薄適中既鴨胸肉、一塊蜜桃果肉🍑同埋少量既千島醬～ 口感好豐富 軟綿綿既果肉 遇上煙韌既煙鴨胸肉 咬落一軟一硬好特別😁千島醬同蜜桃比我想像中夾 酸酸甜甜好吸引食慾 刺激味蕾😋
Pizza 所用既蜜桃不容小覷 我地只不過係輕輕攞起一片pizza 相連兩塊pizza既芝士就被拉起🧀 韌度十足 連綿不斷 中意芝士既人一定會好振奮😍
食完主菜當然要黎個甜品 我地猶豫左一陣要窩夫定係雪糕 但最後因爲個窩夫實在太靚 我地忍唔住決定要一客窩夫 叫左呢個士多啤梨紫薯窩夫配抹茶同香芋雪糕🍦
睇下佢幾咁靚 因為加左士多啤梨醬汁 一上枱面已經聞到好香好香既士多啤梨味 而且窩夫亦都有好濃郁既烤餅味 入面有紫薯餡 雖然紫薯既味道唔算好濃 但就帶點小清新～士多啤梨亦都好清甜🍓 切一小片窩夫 再沾少少雪糕 外脆內軟既窩夫加埋凍冰冰既香芋雪糕 簡直係味覺既享受😋
我同朋友都食得好開心 服務員既態度都好親切 又會主動幫我地換碟同埋加水 野食質素都好唔錯 最後埋單每人都係二百蚊☺
張貼
