稻埕飯店 (V Point) (已結業)

屋企人聚餐去咗稻埕飯店，好推薦比大家嘅餐廳✨✨菜式好新穎，賣相又勁打到卡❤️媽咪都話好正，會再黎。呢度嘅裝修好值得大家去 ，燈光比較昏暗，有獨特格調。呢間咁特別嘅台式餐廳，仲有勁多款Cocktail❤️好多都好靚，一定要試吓首先嚟咗前菜話梅小山藥，淮山咬落爽身，話梅酸酸甜甜，無限refill會更好🫣另一個前菜，白滷水九孔鮑魚好彈牙又不會太硬，鮑魚下面亦都墊了一塊甜不辣，非常特別。湯都大推☺️蟹肉蛋白泡泡脆米金湯✨✨職員好細心幫大家分湯，湯南瓜味亦都好香濃，脆米係湯嘅精髓，口感好得意。入面有元貝、蟹肉等海鮮好足料。主菜方面首先有鹽酥波士頓龍蝦脆角金瓜，入邊有秋葵、脆米、南瓜、龍蝦等等，全部炸得好脆，龍蝦亦都很容易脫肉，大大啖肉，又唔太咸。之後好快上左鐵板香煎一口鵝肝牛小排👍🏻👍🏻鵝肝不得了有好多件，入口香！牛小排肉質鬆軟，大大件。八斗子炒飯好足料，有蟹肉、蟹籽、鵝肉、皮蛋、帶子等配料，加上有超大隻蝦，肉身厚又彈牙，味道同賣相都好好，長輩級會好鍾意。最後仲有黑松露鮮百合花，感覺非常fresh，食落感覺落左薯蓉，又有種忌廉香味，香香甜甜再加上黑松露嘅獨特香味，好享受🤓