Café Crêpe (威靈頓街)

營業中

休息中

同閨密食飯，當然唔少得甜品環節。呢日到訪呢間位於中環威靈頓街，主打法式可麗餅（crepe）嘅餐廳。餐廳嘅crepe除咗有甜食，亦有多種鹹味crepe選擇。餐牌亦有晚餐、而星期六日更有早午餐供應，食物種類夠晒多元化。見餐牌嘅晚餐都幾啱口味，於是乎先點咗個set dinner，再加兩份crepe甜品一齊食。晚餐包羽衣甘藍沙律，味道清新。主菜點咗帶子松露蘑菇扁意粉，帶子份量大隻，入口鮮甜，松露sauce煮得好creamy。嚟到呢餐嘅主打，我哋先用晚餐set加錢加購香蕉配焦糖醬可麗餅，再單點佢嘅signature- Tiramisu crepe。香蕉配焦糖醬可麗餅 - 香蕉同焦糖味道好夾，忌廉十分輕柔軟滑，配以充滿蛋香，入口煙靭嘅crepe，真心好味。提拉米蘇可麗餅 （Tiramisu crepe） - 不愧為signature，賣相已經非常吸引。材料有齊tiramisu嘅原素，個人覺得配以crepe食減低咗甜漏感覺，比起單獨食tiramisu更為吸引。晚餐包餐飲，我點咗杯花茶，配搭主角可麗餅食就最好不過。