樹屋 (H Code)

營業中

休息中

前排同個奉行純素飲食（vegan）嘅同事去中環見完客，佢帶左我黎呢間位於H Code嘅「樹屋」食飯，用餐體驗非常好，喺度推薦俾大家。餐廳裝修簡潔，光線明亮，非常cozy。可能係喺中環商業區嘅關係，都好多外籍OL放工黎食，所以店員都係以講英文為主嘅。餐廳主打西式素食，但食物選擇非常多。俾大家睇下個menu～當晚我同同事分別叫左一份「森林漢堡」套餐，同埋一份「雪松沙律碗」。同事叫嘅漢堡好大份，賣相吸引。伴菜有炸蕃薯條同沙律菜，以及一杯Lemonade。同事讚個漢堡好juicy好有口感。佢請我食嘅幾條蕃薯條更加係香脆可口！我order嘅沙律碗好豐富，材料有牛油果、羽衣甘藍、羅馬生菜同埋其他雜菜，一聽就知道好健康好refreshing。佢舊牛油果真係好creamy好好味！我之後再額外加左一塊朱古力曲奇同一杯香茅薑茶，朱古力曲奇唔會太甜，而且食到一粒粒朱古力顆粒！薑茶雖然細細杯，但飲落好香好暖胃。