影片
更多
2021-09-11
78 瀏覽
呢間位於中環嘅樓上粵菜館，服務同食物質素都唔錯！今餐我最鍾意係鍋貼金蠔同杏汁白肺湯🥰企鵝包都好得意😍.鍋貼金蠔係用腐皮包住流浮山金蠔同墨魚膠拎去炸，再放喺鹹蛋黃鍋粑上面，口感酥脆。一入口就食到好香濃嘅鹹蛋黃味，啱哂我呢啲鍾意鹹蛋黃嘅人🤩個鹹蛋黃鍋粑有啲搶咗上面金蠔墨魚膠嘅風頭🤣.杏汁白肺湯嘅杏汁味好香濃，感覺好滋潤！😙處理豬肺非常繁複，所以屋企真係好少煲呢個湯，出街叫呢個湯飲就最方便啦～$168嘅2人份量其實筆到差唔多四碗出嚟，鍾意食湯渣嘅人仲可以食埋啲湯渣，可以點辣椒豉油食。湯渣除咗有豬肺，仲有豬大腸、雞腳同瘦肉等等。.冰凝小企鵝真係非常吸睛！除咗本身小企鵝得意之外，小企鵝下面擺咗啲乾冰，所以有好多煙去營造一個冰極環境🤩好有心思👍🏻小企鵝其實係陳皮豆沙包，用咗北海道十勝紅豆做餡，食落陳皮味都幾出。伯爵茶奶凍奶味同伯爵茶味平衡，口感幼滑，都ok。.我哋仲叫咗：▫️鼓油皇虎蝦煎腸粉虎蝦質感爽彈，豉油煎腸粉色水靚，食落唔會太咸。▫️麻辣鮑魚掌翼煲一入口陣麻辣味都幾重，啱送飯食。翼炆得好腍▫️龍哥招牌炒飯對我嚟講有飯落肚先係最完滿嘅一餐🤣炒飯好多配料，炒得唔油膩，食落幾香。▫️流浮山三寶蒸海斑球海斑
今餐我最鍾意係鍋貼金蠔同杏汁白肺湯🥰
企鵝包都好得意😍
.
鍋貼金蠔係用腐皮包住流浮山金蠔同墨魚膠拎去炸，再放喺鹹蛋黃鍋粑上面，口感酥脆。
一入口就食到好香濃嘅鹹蛋黃味，啱哂我呢啲鍾意鹹蛋黃嘅人🤩
個鹹蛋黃鍋粑有啲搶咗上面金蠔墨魚膠嘅風頭🤣
.
杏汁白肺湯嘅杏汁味好香濃，感覺好滋潤！😙
處理豬肺非常繁複，所以屋企真係好少煲呢個湯，出街叫呢個湯飲就最方便啦～
$168嘅2人份量其實筆到差唔多四碗出嚟，鍾意食湯渣嘅人仲可以食埋啲湯渣，可以點辣椒豉油食。湯渣除咗有豬肺，仲有豬大腸、雞腳同瘦肉等等。
.
冰凝小企鵝真係非常吸睛！
除咗本身小企鵝得意之外，小企鵝下面擺咗啲乾冰，所以有好多煙去營造一個冰極環境🤩好有心思👍🏻
小企鵝其實係陳皮豆沙包，用咗北海道十勝紅豆做餡，食落陳皮味都幾出。
伯爵茶奶凍奶味同伯爵茶味平衡，口感幼滑，都ok。
.
我哋仲叫咗：
▫️鼓油皇虎蝦煎腸粉
虎蝦質感爽彈，豉油煎腸粉色水靚，食落唔會太咸。
▫️麻辣鮑魚掌翼煲
一入口陣麻辣味都幾重，啱送飯食。翼炆得好腍
▫️龍哥招牌炒飯
對我嚟講有飯落肚先係最完滿嘅一餐🤣炒飯好多配料，炒得唔油膩，食落幾香。
▫️流浮山三寶蒸海斑球
海斑球肉質嫩滑，唔錯！
.
我哋兩個人今餐人均$400-$500，食到好飽好滿足☺️
張貼
