影片
更多
2022-07-17
539 瀏覽
餐廳：令酒場 (中環)地址：中環閣麟街46-48號Foco23樓FOCO喺中環嘅新飲食熱點，近住SOHO區同中環至半山扶手電梯嗰頭，而23樓呢間4月中先開嘅令酒場 @decree_izakayabyt 就喺其中一間新餐廳🍴，以比較接近東京風格嘅日式居酒屋同大家見面🏮，主打日式串燒、刺身同日本空運飛機貨✈️居酒屋嘅裝修都幾cool😎，用咗紅🔴、黑⚫️、深啡色作為主要色調🟤，仲播住比較新嘅日本東京渋谷街頭片，比依家無得去日本嘅香港人細味一吓日本呢個香港人嘅家鄉🇯🇵✝️時令刺身五點盛 $268呢個lunch set包前菜——泡菜牛脷、沙律🥗、麵豉湯同汽水🥤，另外仲有一個白飯🍚。去嗰日嘅五點時令刺身包括油甘魚、三文魚、帶子、大拖羅同海膽，全部都好新鮮肥美。嚟自京都嘅大拖羅入口即溶，咬落帶有少少筋部，每一啖都充滿豐富嘅油脂香🤤；北海道根室馬糞海膽被日本人視為品質最高嘅海膽品種，海膽肉瓣塊細細，但喺肥厚飽滿，紋理相當分明，食落甘香新鮮，一啲腥臭味都無👏✝️令海之幸太卷 $128一客有8件，用咗三文魚、吞拿魚同劍魚三款魚刺身，加上面頭嘅拖羅蓉，配上香蔥、芝麻、青瓜等配料🥒，整成壽司卷。加少少Wasabi同豉
地址：中環閣麟街46-48號Foco23樓
FOCO喺中環嘅新飲食熱點，近住SOHO區同中環至半山扶手電梯嗰頭，而23樓呢間4月中先開嘅令酒場 @decree_izakayabyt 就喺其中一間新餐廳🍴，以比較接近東京風格嘅日式居酒屋同大家見面🏮，主打日式串燒、刺身同日本空運飛機貨✈️
居酒屋嘅裝修都幾cool😎，用咗紅🔴、黑⚫️、深啡色作為主要色調🟤，
仲播住比較新嘅日本東京渋谷街頭片，比依家無得去日本嘅香港人細味一吓日本呢個香港人嘅家鄉🇯🇵
✝️時令刺身五點盛 $268
呢個lunch set包前菜——
泡菜牛脷、沙律🥗、麵豉湯同汽水🥤，另外仲有一個白飯🍚。去嗰日嘅五點時令刺身包括油甘魚、三文魚、帶子、大拖羅同海膽，全部都好新鮮肥美。
嚟自京都嘅大拖羅入口即溶，咬落帶有少少筋部，每一啖都充滿豐富嘅油脂香🤤；
北海道根室馬糞海膽被日本人視為品質最高嘅海膽品種，海膽肉瓣塊細細，但喺肥厚飽滿，紋理相當分明，食落甘香新鮮，一啲腥臭味都無👏
✝️令海之幸太卷 $128
一客有8件，用咗三文魚、吞拿魚同劍魚三款魚刺身，加上面頭嘅拖羅蓉，配上香蔥、芝麻、青瓜等配料🥒，整成壽司卷。
加少少Wasabi同豉油一啖放入口，拖羅嘅腍、吞拿魚嘅綿、三文魚同劍魚嘅爽口，仲有配料嘅配搭，口感豐富到唔識得形容🥰，鮮味不停喺口入面徘徊，食完一件就停唔到口😏
✝️慢煮雞肝薄脆 $78
將慢煮過嘅雞肝放上薄脆嘅餅乾上面，加咗水菜苗、三文魚籽、青檸汁，細綿粉軟嘅雞肝加上香脆餅乾，形成一個質感上嘅對比🆚，檸檬汁同水菜苗輕輕去除咗雞肝嘅腥味同膩嘅感覺，雖然有啲heavy，不過咁樣食又幾好味同夠晒特別，值得一試👍
✝️雞尾七里香 $38
聽講燒烤完嘅雞尾(雞pat pat)，香味會散發出七里之外，所以有「七里香」之稱🤩。果然，啱啱上枱已經聞到好香濃嘅烤雞同獨特嘅雞油香，外表酥脆，裡面嘅肉質鮮嫩，配埋居酒屋嘅三款特色鹽：柚子鹽、紫蘇鹽同竹炭鹽就更加鮮香惹味
張貼
