Brick by Brick (已結業)

>>$476 二人餐有1個前菜、2個主菜、2杯嘢飲 超飽<<日式海藻沙律本身食落好爽脆，調味啱啱好，作為開胃菜式唔錯～不過要數最出名一定係呢兩個：⭐️火熱砂煲香濃肉骨茶⭐️ 咖喱叻沙湯麵-火熱砂煲香濃肉骨茶熱辣辣上菜，啲肉質腍得嚟又唔鞋，吸滿哂肉骨茶嘅精華，最特別係佢個湯底比一般肉骨茶多啲胡椒，冬天食袪濕一流呀～-咖喱叻沙湯麵可以揀唔同款，我哋食鱻魚三寶，湯底係自己新鮮炒出嚟 ，香茅、蒜頭等味道都幾出眾，唔錯⭐️飲品都揀啲清爽派，我自己就最鍾意桔仔話梅梳打，甜甜酸酸特別醒神；朋友揀蘋果醋椰果特飲，無落糖，超健康！