Brick by Brick (已結業)

中環巷仔竟然發現到美食！有間人氣餐廳望入去差不多坐滿。晚市仲提供二人套餐，性價比高。［小食］日本三得利黑啤雞翼：用黑啤炸雞翼相對少見。黑啤味道相對較濃味，味道惹味好香。外皮香脆、雞肉嫩滑。［主食］🔥火熱砂煲香濃肉骨茶老闆分享自家肉骨茶係用好多材料煮成少許份量，味道較外面肉骨茶更香濃及更足料。用砂煲直接奉上更熱風味更佳😋。飲完唔夠喉。嫩滑肉排點埋黑醬酒，好好味呀。咖哩叻沙湯麵🍜（魚三寶）叻沙依款經典味道👅再配埋邪惡既咖哩湯汁🍛得唔得架！用咁香濃既湯食摻摻麵（兩款粉麵）好正。飲品泰式香茅班斕葉薑茶話梅桃膠羅漢果茶兩杯特色熱飲☕️味道都唔錯幾潤喉，但葉薑茶較濃薑味相對會刺激喉嚨；我較鍾意❤️味道較甜既羅漢果茶。