仁芝初

營業中

休息中

食完夜晚飯，同朋友想繼續下場，就搵咗呢間食糖水。人大咗，鍾情於中式糖水，見到依家openrice同google 食評都唔錯，就諗住嚟試下，點知中曬伏。😒原個雪梨燉川貝（熱） $49個燉盅比一般細，朋友食後感，話可以叫阿媽加啲糖水落去，原隻梨去煲都得。不過，佢話叫燉野，伏極都有個譜，又岩既。。。😒合桃露併紅豆沙，加湯丸 $42碗野黎到真係o曬咀，成碗嘔吐物甘。 我都唔係未食過中式糖水丫，人哋雙拼糖水都唔會咁混佢甘，會明顯見到分開一邊係紅豆沙，一邊係合桃露，會睇得到個分界線，呢碗嘢賣相極度唔掂。相反地，雙併個碗其大，成個湯碗甘。合桃露無味，得個色；紅豆沙，啲豆少得可憐，又稀到水甘。加左$10 3粒湯丸，湯丸原來可以甘細……睇下張相就知，個匙羹係平時嘅正常size，真係燥左。呢個價錢，我寧願買杯肥仔水無甘嬲，仲要唔好食個下，真係影響心情。