王牌冰室 (Savannah Place) (已結業)

行完海旁發現呢間野之後一直念念不忘，於是決定早起身都要食到呢間濃味之選！極濃沙嗲牛麵！極濃蕃茄湯底！濃到已經唔係湯，而係汁咁制，如果屋企人或情侶口味較清淡既話，呢間野就唔岩你地了，但如果同我一樣都中意食重口味既話，呢間絕對係值得嘗試！首先牛有牛味，雖然汁偏咸，但對重口味既我完全沒有影響，食完好有滿足感同好邪惡！而另一碗蕃茄午餐肉通粉，午餐肉好大粒又好味，蕃茄湯好濃又有蕃茄係入面，就算對男仔黎講都夠飽！而方包亦不普通，係用好多牛油整既邪惡包