隆記茶室 (已結業)

晚飯時間比哩間港式餐廳裝修吸引咗去！牆身，鐘同燈飾都有d中國古典味道！首先叫咗個羊腩煲，羊肉都幾大舊，絕對唔係海底撈月咁係個煲揾唔到粒肉。味道一D都唔膻, d汁偏甜，送飯一流！不過d支竹硬到咬唔到，唔知係咪擺得耐！柚子雞翼好開胃，而家諗起都想食！跟住叫咗個鐵板牛柳餐，牛肉超鬆化，不過有少少凍！如果個餐熱D就最好啦！酥皮龍蝦湯加💲20就有！酥皮有D薄，個湯好濃, 重有龍蝦粒粒，正呀！最後叫咗紅豆冰同柯華田沙冰。隻杯好得意，又肥又矮。紅豆冰甜度適中，不過柯華田沙冰味道有D啖。