影片
更多
2021-08-06
260 瀏覽
今日來到中環一間好特別嘅餐廳Dinner食點心？一於試試佢！未到門口已經見到裝修好有格調正式進入餐廳之前仲有一個特別儀式哈哈係度賣個關子先，等大家自己體驗下～餐廳入面嘅裝修係以船艙作為設計藍圖客人恍如置身郵輪嘅高級餐廳預啱時間仲有live band!洗手間區域亦落足心思「鐵觀音 $25／位」先嚟一人一壺靚茶「海膽蝦餃 $80」大大舊海膽放係蝦餃上面賣相已經值得打卡！海膽味道甘甜而香，口感幼滑之餘帶點黏稠可能因為蝦同海膽都係海鮮，味道頗夾「安格斯牛肉酥 $80」我哋一般喺酒樓食嘅都係蘿蔔絲呢度用嘅係安格斯牛，非常創新嘅配搭外皮酥脆，咬落去仲有冒煙，熱辣辣牛肉粒加上野菌粒做餡料，味道香口「擔擔麵 $90」侍應好細心咁幫我哋分碗上有別於坊間一般橙紅色湯底嘅擔擔麵驟眼睇以為湯底比較清，點知原來玄機藏係麵下面！攪拌後濃濃嘅花生醬沾上軟滑嘅麵條伴隨著肉碎粒同花生粒，口感味道豐富對於喜歡食花生醬嘅我嚟講，推薦大家一試！「麻辣炸蒜薯條 $80」中式調味嘅薯條真係第一次試！食落去真係有種四川麻辣嘅味道加埋炸蒜，好香口，但又唔會太辣總括而言，食物同環境氣氛都屬於中上水平兩個人嚟食飯談心都好適合而喜歡食點心
Dinner食點心？一於試試佢！
未到門口已經見到裝修好有格調
正式進入餐廳之前仲有一個特別儀式哈哈
係度賣個關子先，等大家自己體驗下～
餐廳入面嘅裝修係以船艙作為設計藍圖
客人恍如置身郵輪嘅高級餐廳
預啱時間仲有live band!
洗手間區域亦落足心思
「鐵觀音 $25／位」
先嚟一人一壺靚茶
「海膽蝦餃 $80」
大大舊海膽放係蝦餃上面
賣相已經值得打卡！
海膽味道甘甜而香，口感幼滑之餘帶點黏稠
可能因為蝦同海膽都係海鮮，味道頗夾
「安格斯牛肉酥 $80」
我哋一般喺酒樓食嘅都係蘿蔔絲
呢度用嘅係安格斯牛，非常創新嘅配搭
外皮酥脆，咬落去仲有冒煙，熱辣辣
牛肉粒加上野菌粒做餡料，味道香口
「擔擔麵 $90」
侍應好細心咁幫我哋分碗上
有別於坊間一般橙紅色湯底嘅擔擔麵
驟眼睇以為湯底比較清，點知原來玄機藏係麵下面！
攪拌後濃濃嘅花生醬沾上軟滑嘅麵條
伴隨著肉碎粒同花生粒，口感味道豐富
對於喜歡食花生醬嘅我嚟講，推薦大家一試！
「麻辣炸蒜薯條 $80」
中式調味嘅薯條真係第一次試！
食落去真係有種四川麻辣嘅味道
加埋炸蒜，好香口，但又唔會太辣
總括而言，
食物同環境氣氛都屬於中上水平
兩個人嚟食飯談心都好適合
而喜歡食點心嘅朋友更加唔好錯過～
張貼
