影片
更多
2013-11-10
258 瀏覽
久聞民華 - 厚多士之大名, 响試菜之前仲特登"擺食"早午餐 , 為求空肚可以食多幾件 (由朝早餓到三點三, 都算唔話得)!一坐底, 因太肚餓, 連餐牌都唔睇, 就同阿姐重覆話要 "厚多士. 厚多士. 最厚嗰隻多士" 三次 (因為驚落錯單) 。厚多士 ($15)件多士上枱, 以為落錯單, 望望枱面MENU, 實在落差太大!!!即時無語, 心情一沉, 好似IQ博士咁, 頭頂有兩隻烏鴉飛過, 又或者去旅行以為住半島, 點知原來係住半島大賓館...... 但心中被Think Positive的天使打敗, 嚐一口啦, 可能好好味 !咬一口......AH...即時想吐返出嚟!!!件鮮油無蒲頭 (失踪) 之餘, 食落只有一鼓 "死咸"味, 牛油味呢, 唔知去咗邊!!!望望後面張枱, 成個常餐食晒, 獨留低件厚多士, 掂都冇掂過。朋友: 叫其他嘢食啦! 我 (無心情, 但肚餓): 你俾一兩條河粉我得嫁啦! (心想: 幾肚餓都唔掂件多士, 可見我幾灰)五香牛筋腩湯河粉 ($30)為民華賺回一些分數, 賣相很好, 夠大碗!牛筋腩很足, 入口即化.湯五香味重, 有點咸, 但OK.河粉亦煮得好, 無一PA
一坐底, 因太肚餓, 連餐牌都唔睇, 就同阿姐重覆話要 "厚多士. 厚多士. 最厚嗰隻多士" 三次 (因為驚落錯單) 。
厚多士 ($15)件多士上枱, 以為落錯單, 望望枱面MENU, 實在落差太大!!!
即時無語, 心情一沉, 好似IQ博士咁, 頭頂有兩隻烏鴉飛過, 又或者去旅行以為住半島, 點知原來係住半島大賓館...... 但心中被Think Positive的天使打敗, 嚐一口啦, 可能好好味 !
咬一口......AH...
即時想吐返出嚟!!!
件鮮油無蒲頭 (失踪) 之餘, 食落只有一鼓 "死咸"味, 牛油味呢, 唔知去咗邊!!!
望望後面張枱, 成個常餐食晒, 獨留低件厚多士, 掂都冇掂過。
朋友: 叫其他嘢食啦!
我 (無心情, 但肚餓): 你俾一兩條河粉我得嫁啦! (心想: 幾肚餓都唔掂件多士, 可見我幾灰)
五香牛筋腩湯河粉 ($30)為民華賺回一些分數, 賣相很好, 夠大碗!
牛筋腩很足, 入口即化.
湯五香味重, 有點咸, 但OK.
河粉亦煮得好, 無一PAT PAT.
(唔知係咪剛落過地獄 (多士), 所以覺得幾條粉都好好味)
題外話/補充資料：
好在唔使等位, 如果要等, 仲要食正件厚多士, 真係人都顛。
P.S. MENU 有寫 - 圖片僅作參考
(以上食評乃用戶個人意見 , 並不代表OpenRice之觀點。)
張貼
