Paintable Cafe (已結業)

假日最愛遊走中上環，探索隱藏在橫街小巷的特色cafe。今日嚟到Paintable Cafe，純白嘅店面好文青。我揀咗喺落地玻璃窗前嘅位置嘆番個Sunday Brunch 。🌈彩虹乳酪🌈用唔同顏色嘅水果砌成一條彩虹嘅彩虹乳酪，七彩繽紛，加埋淺藍色嘅乳酪好似個沙灘咁，又靚又好味。🥗All day breakfast 🥗超豐富的All day breakfast ，牛角包鬆脆，沙律菜新鮮配上黑醋汁好醒胃，黑松露炒蛋軟滑，蕃茄有略略煎過厚肉多汁，香腸有驚喜切開入面有粒粒芝士。🥐棉花糖牛角包窩夫配雪糕🥐棉花糖牛角包窩夫，聽個名就想像到係一個夢幻的組合。牛角包窩夫外脆內軟，口感煙韌，有陣陣牛油香，窩夫上面有滿滿的彩色棉花糖和糖漿，旁邊還有一球曲奇雪糕。🧊Lavender Soda🧊，大大杯，漸層超美，飲落啖啖花香味。🧊Lemonade🧊，一樣大大杯，冰凍又解渴。