URBAN Cafe (駱駝漆大廈第一座)

營業中

休息中

今日同朋友到觀塘買野，食晏時間黎到呢間餐廳，作為貓控既我真係啱曬，但勢估唔到食物都好出色，叫左2個午餐：西班牙紅蝦蟹肉冬陰功忌廉意大利飯同澳洲T骨牛扒配焦糖化洋蔥燒汁，仲有跟餐湯同多士條，加左少少錢升級埋玫瑰蘋果醋同400次抹茶。講下個飯先，初初仲擔心會好辣，結果食落少少辣啱啱好，唔太食得辣既我都問朋友拎左唔少黎食，投桃報李我就切返d牛扒俾佢，雖然係全熟，但真係剛剛好唔會韌，而且兩個餐既份量都唔細，男仔食都一定夠。飲品400次抹茶好似有個奶蓋咁，幾特別，玫瑰果醋玫瑰味好重，加埋醋酸酸甜甜好好飲。最後一場黎到點埋兩個甜品，雪山心太軟(朱古力)配雪糕同法式焦糖燉蛋，有水準，值得再試。