味火鍋 (華僑商業中心)

味火鍋係旺角開左分店，好朋友就帶我嚟試新嘢食邊爐不限時放題。呢度出名性價比高，食材新鮮🤞。而家由尖沙咀開到嚟旺角$318就可以無限時食火鍋放題。嘩，啱晒我。一到晚飯時間親人山人海，記得訂枱。一坐低職員就為每位客人送上芝士焗蠔同埋半隻芝士焗龍蝦，或者麻辣雞煲酸菜魚任君選擇。時令精選海鮮拼盤：鮑魚、聖子皇、廣島蠔、海蝦、墨魚仔、蟹柳。安格斯牛肉拼盤：手切牛小排、牛肩胛、封門柳、牛板腱。都係店舖主動為客人送上，一點也不吝嗇。佢嘅湯底有好多選擇，鴛鴦湯仲係免費。我就選擇咗喇沙湯底同埋牛肝菌湯底啦，喇沙湯底夠曬香濃，牛肝菌湯滋陰補腎。調味料站設有兩邊，方便客人隨時取調味料。飲品櫃入面全部都係玻璃樽裝，充滿懷舊風味。我食完枱上面的食物之後其實都差唔多好飽㗎啦，但係佢仲有得手機落單叫牛肉同火、豚肉、丸類、餃子、蔬菜。我個人大力推薦濃芝士豆腐非常好食。佢嘅鮮蝦水餃、芋泥包心貢丸都好出色🫰318蚊就可以食到咁多嘢，仲要不限時，坐得又舒服，你話去邊度搵呢！佢仲有12間不同大細嘅獨立房間方便一大班人盡興，最啱開party 🎉。❤️只要追蹤味火鍋嘅社交平台就可以得到一杯movenpick嘅雪糕,記得like 啦