壹小籠

營業中

休息中

今日想飲個早茶，所以就黎左呢間壹小籠飲下茶，之前都飲過架啦，隔左一段時間，再黎幫襯下。雖然都係抵既(因為唔洗收加一服務費)，但係佢都係加左價，我地只飲早茶都係食佢D特價點心，尤其是孖寶套餐最抵，HKD$40.8可以選擇兩個點心，有鳳爪排骨飯，菜苗蝦餃，牛肉腸粉，叉燒包等等大眾化選擇。不過之前只係HKD$38，所以都加了價 食物方面都係正常發揮，可能大部份酒樓點心都係差唔多地方入貨，同埋上點心速度都夠快，點心又夠熱，所以食物方面係OK既。環境方面之前就冷氣唔夠，食食下野會覺得熱，但今次去到，明顯係涼爽左，所以都抵讚一下。