影片
更多
2018-11-17
4473 瀏覽
南山邨我細細個成日會去既地方, 係街坊一名, 屋企有什麽聚餐都會去呢到食, 今晚特意帶幾位朋友到此一遊, 因為呢到唔知幾時開始變成咗打卡勝地, 所以吸引咗好多人嚟影相, 此終呢個屋邨人口老化, 大部份都已變成公公婆婆, 後生仔大多數係附近城大既同學仔過嚟食嘢, 預早訂咗位去到好快就有位啦, 原本安排坐圓枱既, 興幸咁啱有人走, 可以入座4人卡位, 呢到最有名氣既當然係凍朱, 喺餐廳內個個後生仔都必飲, 另外仲有沙拉骨, 南乳雞翼等等都係推介七味椒鹽豆腐 - 賣相不錯, 外層脆口內裡豆腐滑一滑黃金蝦 - 蛋黃味唔算好濃, 同埋唔夠乾身, 蝦肉唔夠爽口豉椒炒花甲 - 花甲都好新鮮而且好入味啫啫介蘭 - 介蘭好爽口, 咬到卜卜聲沙拉骨 - 肉質半肥瘦, 好味南乳雞中翼 - 好香南乳味, 外層皮炸到脆卜卜, 雞肉好嫩口, 不錯雜果冰 - 味道太甜, 好似罐頭雜果咁再加少少水龍鳳可樂 - 配大枝裝可樂可以飲到兩杯菠蘿冰 - 都係好似罐頭菠蘿加水咁, 好甜凍朱古力 - 個個後生仔去到必叫既, 真係好濃朱古力味, 加上面層加咗啲CREAM, 正呀!
七味椒鹽豆腐 - 賣相不錯, 外層脆口內裡豆腐滑一滑
黃金蝦 - 蛋黃味唔算好濃, 同埋唔夠乾身, 蝦肉唔夠爽口
豉椒炒花甲 - 花甲都好新鮮而且好入味
啫啫介蘭 - 介蘭好爽口, 咬到卜卜聲
沙拉骨 - 肉質半肥瘦, 好味
南乳雞中翼 - 好香南乳味, 外層皮炸到脆卜卜, 雞肉好嫩口, 不錯
雜果冰 - 味道太甜, 好似罐頭雜果咁再加少少水
龍鳳可樂 - 配大枝裝可樂可以飲到兩杯
菠蘿冰 - 都係好似罐頭菠蘿加水咁, 好甜
凍朱古力 - 個個後生仔去到必叫既, 真係好濃朱古力味, 加上面層加咗啲CREAM, 正呀!
張貼
