影片
更多
2022-06-11
136 瀏覽
落bar或者去居酒屋飲sake 閒閒地都近100蚊一杯 近日係網上發現到呢間3小時任飲嘅舖頭😗 真係要嚟試吓佢 我地揀咗松放題 3小時任飲生啤 燒酌 清酒同果物酒🍶 係落單前店員都會介紹返 呢度仲好貼心 有個酒牌俾我地睇下每款嘅獨特之處 等我地可以喺眾多嘅種類當中揀選一個比較適合自己嘅口味🥰 之後店員會俾我地揀選用咩杯😄生啤Suntory🍻 Suntory beer黑啤🍺 Suntory 50/50都有試過 個人比較鍾意白啤多啲 飲落口更香😉清酒九頭龍逸品口味較淡 同關東煮一齊飲 感覺好好😗宗政純米吟釀International wine challenge 2015 係純米吟釀同埋純米大吟釀都係攞頭三位😮 飲落口比較raw啲 係幾重米味嘅金紋世界鷹純米吟釀飲落口同佢嘅description相似 首先菠蘿果香 然後有米味果物酒果物酒就比較甜好容易入口 女朋友飲完話完全唔似飲緊酒 因為減少咗酒本身好苦嘅味道 楯野州子寶芒果酒🥭 一上枱已經聞到芒果嘅味道 飲落口都係芒果味為主 係後勁有少少酒味 神開蜜柑酒🍊 呢杯係店員推介嘅 飲落口好Fresh 兩杯都好容易入口😉關東煮每人可選3款🍢 不得
落bar或者去居酒屋飲sake 閒閒地都近100蚊一杯 近日係網上發現到呢間3小時任飲嘅舖頭😗 真係要嚟試吓佢
我地揀咗松放題 3小時任飲生啤 燒酌 清酒同果物酒🍶 係落單前店員都會介紹返 呢度仲好貼心 有個酒牌俾我地睇下每款嘅獨特之處 等我地可以喺眾多嘅種類當中揀選一個比較適合自己嘅口味🥰 之後店員會俾我地揀選用咩杯😄
生啤Suntory🍻 Suntory beer黑啤🍺 Suntory 50/50都有試過 個人比較鍾意白啤多啲 飲落口更香😉
清酒九頭龍逸品
口味較淡 同關東煮一齊飲 感覺好好😗
宗政純米吟釀
International wine challenge 2015 係純米吟釀同埋純米大吟釀都係攞頭三位😮 飲落口比較raw啲 係幾重米味嘅
金紋世界鷹純米吟釀
飲落口同佢嘅description相似 首先菠蘿果香 然後有米味
果物酒果物酒就比較甜好容易入口 女朋友飲完話完全唔似飲緊酒 因為減少咗酒本身好苦嘅味道 楯野州子寶芒果酒🥭 一上枱已經聞到芒果嘅味道 飲落口都係芒果味為主 係後勁有少少酒味 神開蜜柑酒🍊 呢杯係店員推介嘅 飲落口好Fresh 兩杯都好容易入口😉
關東煮每人可選3款🍢 不得不提嘅係佢嘅湯底非常清甜 有好香嘅鮮味 但唔會腥🍲
蘿蔔 有一件成隻手指公咁長嘅蘿蔔喺底 食落口冇根 而且好入味👍🏻
芋絲 貪佢清清地 可以試真啲個湯係咩味
蝦餅 口感比較散 唔係打到起泡嗰種蝦餅嚟既🦐
福袋 諗住佢有個腐皮好索湯 所以嗌佢 果然不出我所料 另外有落口都好有驚喜 因為入面有嚿煙煙韌韌嘅麻薯☺️
牛筋 有成五至六件 都煲得好腍 入口即融咁🐮
芝士魚棒 咬落口有淡淡的芝士味 配酒飲真係一流🧀
若果你嫌淡味嘅話 隔離仲有辣椒油同埋黃芥末俾你點🌶 我就特別鍾意佢嘅辣椒油
佐酒小食每人可選2款 我哋主要都係嗌咗一啲炸物 貪佢送酒一流☺️
炸池魚 每一條都細細地幾好送酒🐟
唐揚炸雞 🐥呢個就正正常常
唐揚魷魚鬚 呢個魷魚鬚就幾大份 食落幾有口感 但係唔會硬🦑
明太子雞翼 熱辣辣食啲明太子好香🐣
淨係呢個餐已經飽 但係追加燒物盛盒又好吸引 所以都要加埋佢😝日本和牛串 油脂感幾重 未去到入口即化 但都接近🐮
豬腩串 呢個肥瘦分明 一層層咁 好香口🐷
大蔥雞肉串 燒大蔥啱晒重口味嘅朋友
燒茄子🍆 呢個面頭鋪滿晒蒜 未食都知正啦
呢間餐廳可以選擇嘅酒真係好多 店員又會好細心咁介紹 鍾意飲酒嘅朋友一定唔可以錯過😉 如果一班朋友嚟chill一晚都好relax㗎🥰
張貼
