影片
更多
2021-08-10
1514 瀏覽
知道大角咀個頭開左間日本餐廳有日本酒放題，一向鐘意似sake既我就決定來試下～鋪頭新開張既，門口有日本燈籠做裝飾，好有日本居酒屋感覺～一坐低侍應好貼心比左雞湯我地飲，應該係比我地打定底😛佢地有竹同松兩款放題選擇：竹 （$348/位）🎋有啤酒，生啤同日本酒放題～松（$388/位）🌲 除左竹包既酒，有更多日本酒選擇同埋果物酒揀～兩個放題都包左3款前菜、1款小食同埋1客烏冬，食物種類好多～唔夠喉仲有串燒同果物串揀！朋友鐘意飲啤酒，所以我地揀左竹～我叫左清酒，有酒杯比係我揀，好似置身日本一樣☺️🍢關東煮（魷魚/豆腐/牛筋/福袋/芝士年糕）熱辣辣既關東煮配埋辣椒油同芥辣醬 ，湯底好香，所有配料都吸晒湯既精華，不得了～🐡雞泡魚干送酒必備雞泡魚干，燒到好香😆🦀甲羅燒新鮮燒好出晒煙咁上枱，有好多蟹膏蟹肉，再伴有薯片係側邊一齊食～🧀酒盜芝士第一次食呢個小食，有芝士同鮪魚內藏做既酒盜，配埋梳打餅，咸咸香香好特別😆🍡串燒（牛舌/菠蘿/明太子免治雞肉）店員好貼心，叫我地新鮮食左牛舌先～牛舌薄薄但夠牛香，超好食😋另外菠蘿同免治雞肉串都好好味😋🥠芝士年糕炸到外脆，裡面煙韌，仲有拉絲芝士 🧀 🥟餃子外皮煎到好脆，皮薄
鋪頭新開張既，門口有日本燈籠做裝飾，好有日本居酒屋感覺～
一坐低侍應好貼心比左雞湯我地飲，應該係比我地打定底😛
佢地有竹同松兩款放題選擇：
竹 （$348/位）🎋有啤酒，生啤同日本酒放題～
松（$388/位）🌲 除左竹包既酒，有更多日本酒選擇同埋果物酒揀～
兩個放題都包左3款前菜、1款小食同埋1客烏冬，食物種類好多～唔夠喉仲有串燒同果物串揀！
朋友鐘意飲啤酒，所以我地揀左竹～
我叫左清酒，有酒杯比係我揀，好似置身日本一樣☺️
🍢關東煮（魷魚/豆腐/牛筋/福袋/芝士年糕）
熱辣辣既關東煮配埋辣椒油同芥辣醬 ，湯底好香，所有配料都吸晒湯既精華，不得了～
🐡雞泡魚干
送酒必備雞泡魚干，燒到好香😆
🦀甲羅燒
新鮮燒好出晒煙咁上枱，有好多蟹膏蟹肉，再伴有薯片係側邊一齊食～
🧀酒盜芝士
第一次食呢個小食，有芝士同鮪魚內藏做既酒盜，配埋梳打餅，咸咸香香好特別😆
🍡串燒（牛舌/菠蘿/明太子免治雞肉）
店員好貼心，叫我地新鮮食左牛舌先～牛舌薄薄但夠牛香，超好食😋另外菠蘿同免治雞肉串都好好味😋
🥠芝士年糕
炸到外脆，裡面煙韌，仲有拉絲芝士 🧀
🥟餃子
外皮煎到好脆，皮薄，一咬爆晒肉汁
🍜牛肉烏冬
牛肉好香，令烏冬同湯充滿牛香～烏冬夠晒彈牙！
🍜明太子烏冬
明太子冷烏冬有葱花、紫菜同新鮮明太子，沾埋汁食味道岩岩好～
呢間餐廳十分適合happy friday 同happy hour~飲兩杯、食下野，傾下計～
P.S店員既招待亦十分殷勤☺️大讚 💯
張貼
