太興 (翠怡商場)

營業中

休息中

公司午餐，難得今日沒有人排隊，四個人就坐左入去。餐牌都係一般港式茶餐廳的食物，不過價錢就普遍貴10蚊左右。尤其係個雙拼的燒味，71蚊，感覺有d貴。叫左個豬排雙蛋飯，算係良心價，63蚊包杯冰鎮咖啡。首先講下個豬排飯，塊豬排幾厚，有時大塊有時細塊，而今日的運氣似乎唔係咁好，有d細，不過食落無雪味，而且唔會好鞋，咬落仲有d肉汁，算係中上。而d飯唔會好軟，口感好好，仲帶有米香。其實佢係貴得有道理。至於杯冰鎮咖啡，雖然無得少甜，但真係好香，而且由於係冰鎮，唔會越飲越淡，唔錯唔錯。美中不足係無得少甜，有d追唔上香港人追求健康的步伐。