燒肉酒場 (已結業)

總體嚟講食物正常，叫咗羊肉拼盤，有少少失望嘅係啲肉無想像中咁有羊肉嘅香味，所以食落嘅感覺無咁過癮。 如果係特登去食羊嘅話可能散嗌某啲部位（羊腩）會比較開心。另外就係啲配菜，可能我哋自己唔係太識控制火候，所以啲配菜全部都好快燶曬，有少少可惜，如果可以有guidance on點樣處理配菜會好好多。另外單獨嗌咗份羊心，反而比想像中有驚喜，爽口得嚟又唔腥，鍾意食內臟嘅人可以試下。另外覺得不滿嘅地方係座位編排真係太差，我哋咗近窗嘅大檯，但我對腳係完全無辦法正常擺放，一定要蹺起或者打側伸出去，所以都坐得幾辛苦。