荳子 (德福廣場1期)

營業中

休息中

呢間餐廳好多人，次次都見到門口大排長龍。今次見到門口唔算好多人喺度，但係都排咗30分鐘， 天氣好熱，排得好辛苦。雞胸香菇藜麥意大利飯汁嘅味道有點淡， 唔夠creamy，雞胸有啲鞋，麻麻地，下次唔會再叫。蟹肉意大利粉賣相好靚，成個蟹殼上，不過蟹肉唔係好多，汁亦都唔夠濃，有少少失望。拿破崙好鬆軟，唔會十分甜，係今餐最好味嘅。 飲品嘅選擇比普通茶記好，可以揀薑母茶， 特別少少。下次都係去食蛋糕，飲杯台式飲品算， 主菜不太突出。