牛陣 (已結業)

前日同朋友苦惱緊食乜，咁岩行過見到牛陣，我地大家都想食下日式火鍋，又見唔洗等位就去試下。食完我真係好推薦朋友黎呢度食下，價錢ok食物質素又唔差。服務黎講呢間都算好，又有禮貌，服務態度唔錯，上菜又快手，冇得彈！黎得牛陣梗係食肉為主，但食評個個人都講牛，我就一於講下佢的其他野，好似配料呀，配菜呀果啲咁！我地點左豬骨湯底，未落肉落去之前試左啖，好鮮味。配菜雖然款式好多，但我地只係攞左一碟，不過可以樣樣試啲已經好足夠！配菜夠新鮮，食落無問題，丸類夠彈牙！豆腐夠香！除左湯底，最重要係醬汁！！！醬汁都有幾款簡，貪心既我都拎左3款，我個人覺得牛肉同豆腐配芝麻醬係無敵。最估唔到咖哩同飯都有得食。不愧係日本餐廳！