丼吉日式吉列豬排專門店 (國際金融中心商場)

營業中

休息中

星期日經過ifc想食個午餐，揀左呢間主打吉列豬扒，想試好耐因為見平日都幾多人等位，試下係咪真係咁好食😆枱上放左三個樽仔，分別係紫菜汁、柚子汁同豬扒醬汁，紫菜汁同柚子汁係配椰菜絲，我覺得配紫菜汁最好味👍🏻落左單，就會奉上一碗芝麻自己磨，磨完加入豬扒醬，用來沾吉列豬扒食。•🥢極上吉列豬扒豬柳定食(二人前) $488呢個餐有吉列豬扒同埋吉列豬柳各一份，配上二人份嘅漬物、麵豉湯、白飯、鹽同埋芥末醬。椰菜絲同白飯都可以無限追加！但基本上一碗飯都好夠飽😆吉列豬扒同埋豬柳份量都非常多，炸得好靚😍外皮好薄又夠鬆脆！食落口一啲油膩感都無，豬柳比豬扒厚身，而且豬柳肉質比豬扒淋身，但兩樣都唔夠juicy。飯係珍珠米，粒粒分明飽滿。麵豉湯都幾足料，有蜆喺入面，味道濃但唔會好死鹹。椰菜絲切得好幼細，又爽又清甜。食完主菜，原來每人仲有一杯西瓜😝 都算甜，又唔多核～唔錯！呢間d食物唔差，但就無咩驚喜，唔係特別驚艷。