鮨岐

營業中

休息中

同朋友慶祝生日，途經紅磡見到餐廳門面好靚好日式😍就入嚟試吓。星期六晚餐時段，八成滿座，唔使等位就有得坐低。二人前set分別有「特上二人前」同埋「精選二人前」。同朋友都比較鍾意食壽司同刺身，就揀咗「特上二人前」。落單好快就有店員上前菜，分別有枝豆同埋「三文魚野菜沙律」，沙律好好味😋好推介。好快店員就上咗刺身同壽司，望落去好新鮮好好味。不過美中不足係，我哋食緊沙律嘅時候，店員已經將刺身、壽司、野菜牛肉鍋同炒飯上晒😅想慢慢食都唔得，又唔係趕住收舖，如果可以慢慢上菜，會好好多。食物質素黎講：壽司同刺身茶碗蒸都唔錯但串燒就好一般，味道不足而且上得快就好快凍，變得唔新鮮。