Goobne Chicken (M88) (已結業)

一行六人來到 韓式燒雞餐廳食午餐， 總共叫咗五樣嘢食 同埋兩杯嘢飲 ，每人183蚊。第一個係魚蛋湯。 魚蛋湯比想像中好食， 魚蛋唔會煮到冇曬未， 個湯又 唔會太鹹， ok唔錯。第二個叫咗個粉絲雞蛋捲， 啲同事話之前食過好味， 但係我自己就覺得一般般 ，因為個蛋煎得太熟 ，比較硬， 冇軟綿綿嘅口感。第三個係原味烤雞。 原味烤雞好好味 ，外面烤到好香，裏面仲係 好嫩滑， 而且有雞味。第四個係胡椒烤雞 。好奇怪我哋六個人一啲都食唔到胡椒味，淨係食到甜味，而且係好甜所，以冚咗啲雞味 ，好似淨係食佢嘅醃料。第五個叫咗蜜糖咖哩芝士烤雞件。 咖哩味同蜜糖味都好味， 同個雞好夾， 芝士係可以拉到絲，可惜係冇芝士味 。