麵屋一平安 (已結業)

商場嘅連鎖食肆琳琅滿目，好多時候想就腳，以便食完繼續行。可惜凡係連鎖食肆，都以價貴及劣食居多，好食與否，伏過先知。今次經過miramall嘅一平安，以拉麵為主食，晚餐嚟講算係中價。我總共幫襯咗兩次，試過沾麵丶拉麵同埋飯，整體味道不過不失，湯底濃度中等，唔會太濃或太稀，飯餸比例亦恰到好處，正正係中價菜嘅水平。總括而言，想喺商場食好啲啲，又想坐得舒服嘅話，呢度都係一個選擇。