影片
更多
2023-06-30
530 瀏覽
十常八九，位於太子同深水埗中間嘅文青Cafe圈，佢夾係深水埗站嘅中間，所以出咗地鐵站之後，都要行7至10分鐘先到。Cafe裏面行簡約嘅禪風，一邊係和室嘅榻榻米，另一邊就係靠牆坐既二人位。😬風格好簡單，地方亦唔算大，適合少數朋友嚟傾吓偈，或者情侶拍下拖。個日去到，仲咁啱撞到客人帶咗自己嘅愛貓同愛犬，去餐廳慶祝生日。🥰氣氛好溫暖，又樂也融融，係久違嘅小社區嘅人情味。當日我自己一個去，本身想叫和栗蒙布朗和十常吐司。店主好細心咁提醒，兩份嘅份量都比較大，一個人未必handle到。😅咁十常吐司，就留返下次先叫啦🥲⭐️和栗蒙布朗呢個好似栗子蛋糕嘅東東，超級適合用嚟打卡，面頭嘅栗子蓉，唧到一條條好似意粉咁，淨係見到個樣好開心。😬本身以為裏面係蛋糕，原來厚厚嘅栗子蓉下邊，係雲呢拿雪糕，底部係法式蛋白餅。因為成個蒙布朗都比較大，如果係配蛋糕嘅話，可能真係會太飽。依家配雪糕，個底又係食空氣咁嘅蛋白餅，就唔會話食2啖就飽😬。出面天氣又咁熱，夏天食就啱哂！⭐️Coffee Tonic 賣相當然係好討好啦😬，個layering 同底層嘅透明感，就咁睇都透心涼。 Coffee Tonic 亦中和左蒙布朗嘅甜，互相配住
Cafe裏面行簡約嘅禪風，一邊係和室嘅榻榻米，另一邊就係靠牆坐既二人位。😬
風格好簡單，地方亦唔算大，適合少數朋友嚟傾吓偈，或者情侶拍下拖。
個日去到，仲咁啱撞到客人帶咗自己嘅愛貓同愛犬，去餐廳慶祝生日。🥰氣氛好溫暖，又樂也融融，係久違嘅小社區嘅人情味。
當日我自己一個去，本身想叫和栗蒙布朗和十常吐司。店主好細心咁提醒，兩份嘅份量都比較大，一個人未必handle到。😅
咁十常吐司，就留返下次先叫啦🥲
⭐️和栗蒙布朗
呢個好似栗子蛋糕嘅東東，超級適合用嚟打卡，面頭嘅栗子蓉，唧到一條條好似意粉咁，淨係見到個樣好開心。😬
本身以為裏面係蛋糕，原來厚厚嘅栗子蓉下邊，係雲呢拿雪糕，底部係法式蛋白餅。
因為成個蒙布朗都比較大，如果係配蛋糕嘅話，可能真係會太飽。依家配雪糕，個底又係食空氣咁嘅蛋白餅，就唔會話食2啖就飽😬。出面天氣又咁熱，夏天食就啱哂！
⭐️Coffee Tonic
賣相當然係好討好啦😬，個layering 同底層嘅透明感，就咁睇都透心涼。 Coffee Tonic 亦中和左蒙布朗嘅甜，互相配住食，又幾夾喎👍🏻
張貼
