影片
更多
2025-03-08
46 瀏覽
尋日2月11號book左8:15同朋友慶祝生日，一入到去只見一枱客人。侍應連廚師總共得2個員工(開放式廚房)，(不過其實個女侍應都唔係醒目，踢一踢郁一郁)開頭由落單到上菜都無乜嘢。食物味道同賣相都唔錯…環境都幾舒服，到9:45左右隔離枱埋單走。咁全場就淨番我哋一枱，然後到10:00左右個男廚師就過嚟同我哋講last Oder問仲有冇野要落單。我哋答佢食物就唔需要，諗住嗌多杯酒精飲品。個男嘅行開咗之後我哋再問一問個女侍應佢哋間舖收幾點，個女仔話如果無咩客人會早啲收。咁我哋都問佢係咪around大概11:00佢話係，之後我朋友就嗌多杯酒精飲品諗住坐到11:00就走，點知隔咗一陣之後個男嘅走過嚟同我哋講唔知乜乜收費所以最少要嗌2杯，都講到一舊舊又唔清楚(完全係趕收工嘅態度)。再問佢係咪可以嗌甜品(開頭落單嘅時候係有甜品list)，跟住佢答我晚市無甜品就行走咗！)咁我哋到最後連杯酒都無嗌諗住食埋就走(當時係10:15左右，再過3分鐘左右就熄燈熄音樂。我隻雞翼都未L食完！慶L到唔食即刻埋單走，埋單問佢收咩payment 回答嘅態度都已經西。仲要多謝都無一句…成餐飯好似食一半就俾人趕走咗！呢啲咁嘅
呢啲咁嘅服務態度想有生意都難啦，幾L好食都無用！如果各位想去幫襯請有定心理準備..
張貼