風彩餐廳

營業中

休息中

第一次打食評，㷫到唔打唔得！難得一日返晏又就到時間，諗住同老婆食個早餐跟住送佢返工啦。去到呢間嘢見唔多人，坐低落單到送餐都相安無事同快嘅，食到一半左右就出事喇…一開始嚟咗2個麵同個1松露炒蛋，到2個麵都差唔多食完，個方包走油同炒蛋都未到，咁就問問侍應啦，個侍應睇完單就話嚟緊，跟住隔無2秒就聽到水吧一把男人聲大嗌：「你老XX！唔X使等呀？當呢度係麥當勞呀？勞當勞都要排隊等啦！（下刪十數字粗口…）」我聽到即時火都嚟埋！唔係我老婆㩒住我叫我冷靜，我實埋去同佢嘈！然後唯有繼續等，期間仲不斷聽到粗口傳出。等到份餐送到嚟一睇，你老細吖！你係咪唔識字呀？叫你走牛油咋！唔係叫你拎塊方包去油鑊“走油”呀！跟住拿拿臨自己片走啲油食完就埋單走，如果唔係老婆趕住返工我實同你嘈！我都做過服務業，明白無人鍾意俾人催，但唔該鬧人之前都睇下自己有無問題先啦！等得耐唔係問題，叫咗無做都唔係大問題，最大問題係態度！態度！同態度！我自問都係個息事寧人嘅人，但呢次真係堅㷫！你咁無家教咁大大聲講哂粗口咁，無非都係想講俾我哋聽啫，咁我依家話俾你知：水吧佬！我哋收到哂喇！我哋唔會再嚟幫襯㗎喇！你整嚟自己慢慢食啦！之前都嚟食過好幾次