影片
更多
2022-06-13
592 瀏覽
落大雨入咗D2 Place搵餐廳醫肚，因為太肚餓見呢間冇咩人同埋又未食過就入咗去，知道呢間有幾間分店，有時經過部份分店都會見到會排隊，心諗應該唔會差得去邊嘅，但最後發現其實唔係真係咁好食，唔明點解會咁多人幫襯，相信應該都係同我一樣貪就腳，我諗我淨係會幫襯今次。叫咗一個午餐巴東牛肉干撈油面，加咗一份酸辣鳳爪，另外叫咗一個下午茶餐(有細碗海南雞飯，細碗喇沙烏冬同埋細碗芽菜配唔知咩汁）巴東牛肉干撈油面 - 真係好油，似係用油嚟撈麵，食到成口都係油，但其實牛肉味道係唔錯嘅海南雞飯 - 海南雞係白烚雞，淡而無味，就算呢間餐廳係主張少鹽少糖都不至於係冇味道，問店員有冇海南雞醬汁，佢哋話係唔提供嘅，咁已經唔係正宗嘅海南雞飯酸辣鳳爪 - 汁入唔到去鳳爪入面，食落去都係似白烚鳳爪喇沙烏冬 - 又係油淋淋嘅代表，湯底色澤睇落去好似好濃，但一啲都唔香芽菜 - 只係放咗少少汁，味道偏向青草味反而最好食係贈送嗰碗糖水，係紅棗雪耳桃膠總括：所有食物都似係學新加坡菜，而做唔到真正新加坡菜嘅味道
叫咗一個午餐巴東牛肉干撈油面，加咗一份酸辣鳳爪，另外叫咗一個下午茶餐(有細碗海南雞飯，細碗喇沙烏冬同埋細碗芽菜配唔知咩汁）
巴東牛肉干撈油面 - 真係好油，似係用油嚟撈麵，食到成口都係油，但其實牛肉味道係唔錯嘅
海南雞飯 - 海南雞係白烚雞，淡而無味，就算呢間餐廳係主張少鹽少糖都不至於係冇味道，問店員有冇海南雞醬汁，佢哋話係唔提供嘅，咁已經唔係正宗嘅海南雞飯
酸辣鳳爪 - 汁入唔到去鳳爪入面，食落去都係似白烚鳳爪
喇沙烏冬 - 又係油淋淋嘅代表，湯底色澤睇落去好似好濃，但一啲都唔香
芽菜 - 只係放咗少少汁，味道偏向青草味
反而最好食係贈送嗰碗糖水，係紅棗雪耳桃膠
30 瀏覽
0 讚好
0 留言
總括：所有食物都似係學新加坡菜，而做唔到真正新加坡菜嘅味道
張貼
