影片
更多
2018-01-27
1121 瀏覽
南丫島半天遊的最後一站. 之前喺呢間店的舊舖幫襯過兩次. 舊舖係喺街尾, 而家搬咗嚟街頭.青島大啤同埋泰國大象啤, 賣$58/68 一支 (+10%). 呢個價好值得參考.今次叫左炸魚薯條同埋小吃拼盤.炸魚薯條炸魚份量比以前少, 約兩塊老麥魚栁飽炸魚的份量, 味道同老麥一樣, 都係冇魚味, 跟熱飲, 收$88.小吃拼盤, 裏面有齋春捲 (4小條), 泰式魚餅 (6粒五妏銀大細), 日式煎餃子... 因掛住傾計, 冇記低第四樣係乜同冇影相, 但印像中無炸煆或貴價嘢, 唔跟飲品, 收$138. 呢D煎炸嘢, 通常不會太差, 亦不會太好. 某程度係睇食物級數, 質素, 和份量來看是不是值回票價. 呢一盤我覺得中伏.去得碼頭海邊嘅餐廳, 梗係要坐近海邊嘅位.平日下午三時, 只有一枱客, 海邊位完全冇人坐, 只得三隻狗瞓喺地下, 而那位 waitress 都唔多願俾我地坐近海邊位, 而要我哋坐喺舖入面, 需要討論及爭取一輪, 佢先免為其難咁俾我地坐近海邊. 劉德華又要出勤來同佢講解吓.經過三次幫襯呢間嘢嘅經驗, 如果唔係一定要飲啤酒, 最好下午茶時段先嚟幫襯佢啲下午茶餐, 輸極都有個譜. 如果一
青島大啤同埋泰國大象啤, 賣$58/68 一支 (+10%). 呢個價好值得參考.
今次叫左炸魚薯條同埋小吃拼盤.
炸魚薯條炸魚份量比以前少, 約兩塊老麥魚栁飽炸魚的份量, 味道同老麥一樣, 都係冇魚味, 跟熱飲, 收$88.
小吃拼盤, 裏面有齋春捲 (4小條), 泰式魚餅 (6粒五妏銀大細), 日式煎餃子... 因掛住傾計, 冇記低第四樣係乜同冇影相, 但印像中無炸煆或貴價嘢, 唔跟飲品, 收$138. 呢D煎炸嘢, 通常不會太差, 亦不會太好. 某程度係睇食物級數, 質素, 和份量來看是不是值回票價. 呢一盤我覺得中伏.
去得碼頭海邊嘅餐廳, 梗係要坐近海邊嘅位.平日下午三時, 只有一枱客, 海邊位完全冇人坐, 只得三隻狗瞓喺地下, 而那位 waitress 都唔多願俾我地坐近海邊位, 而要我哋坐喺舖入面, 需要討論及爭取一輪, 佢先免為其難咁俾我地坐近海邊. 劉德華又要出勤來同佢講解吓.
經過三次幫襯呢間嘢嘅經驗, 如果唔係一定要飲啤酒, 最好下午茶時段先嚟幫襯佢啲下午茶餐, 輸極都有個譜.
如果一定要飲啤酒而又要做精明消費者嘅話, 最好路過. 以呢間嘢嘅配套, 冇電視睇冇音樂聽, 只賣離島鄉村風味, 仲有三隻串串貢嘅狗瞓喺地下, 我睇唔到下午茶時段佢點解佢可以一支青島啤酒都賣58蚊, 仲要加一. 如果當正自己係pub, 收pub嘅價錢, 咁就應該有happy hour 喎.
今次一行五人, 叫咗上面兩樣食物 ($226), 三支大啤 ($184), 一個 coconut water ($38), 一杯跟餐凍檸茶 (+$3), 加一之後就盛惠五百大元. 以下午茶平均$100位計, 我諗可以有好多選擇.
對於我嚟講, 真係一次生, 兩次熟, 三次大結局, 應該短期內都唔會再來幫襯.
張貼
