瑞士咖啡室

營業中

休息中

「Leonard，你又遲到，Johnathan己經去左餐廳排隊。」我邊走邊說。「真係唔明點解每次同Johnathan食飯，都係去呢間餐廳。」Leonard不滿地道。「果到係佢既飯堂嘛！又經濟，又方便。係中環，一個午餐只係40蚊，邊到搵到。」「我知，但係餐廳出面都幾污糟吓。」「就吓佢啦，不次先同你食餐好啦！」Leonard和Johnathan跟我是同事，大家差不多同期入職，彼此都很投契，所以間中會一起吃午飯。我們很快已經到達餐廳，只見門外有近二十人沿著餐廳外的小巷排隊，而Johnathan就在隊伍的中間。的而且確，小巷的衛生環境頗一般，不過餐廳裡面倒是可以接受。不用五分鐘，伙計已經給我們安排座位。我要的是茶餐，牛油多士﹑火腿炒蛋﹑茄底牛肉意粉及奶茶。厚多士烘底，配上牛油，味道不錯。炒蛋不算嫩滑，火腿則是大路貨色。這裡的牛肉意粉可以配上蕃茄茸，味道酸中帶甜，令人開胃。奶茶奶味較濃，口感很滑。不過我偏向茶味較濃的奶茶，個人感覺一般。伙計見我們三人吃完食物後就立刻收起我們的碗碟，我們亦知趣離開，用餐時間前後不用二十分鐘。這裡雖然食物一般，不過似終有些事，比食物本身重要。