師父飯堂

營業中

休息中

今次係外子做黑仔達，唔係我，呵呵呵！外子嘅芝士咖喱豬扒焗飯($60)：賣相唔得又細份，餓親我家老爺。噉我呢就食香煎西冷扒配椰菜沙律配飯($65)：喂！淨係賣相都跑贏幾條街！多菜少低卡嘅比例，好啱我呢啲成日出街又想扮健康嘅食肉瘦。可能已經夜晚，啲菜唔係頂級新鮮，不過配埋啲醬汁係ok 嘅。飯都正常。塊牛扒呢，唔知用咩醃，有啲特別嘅味，似曾相識，又講唔出係咩味。肉質唔係乸到林坺坺，咬落唔太韌，算ok。喂！仲$65咋！不過呢度個餐牌係唔知點睇，要出去睇黑板。又要出去落單。