最近去咗旺角一間叫「人生有限杯」嘅串燒店，地方唔大，但氣氛好舒服，燈光暖黃，好有氣氛，坐低就唔想走。
🍽️My Pick：
鹽燒西班牙五花腩
肥瘦分明，燒得剛剛好，外層微焦，咬落去油香四溢，唔會膩。
泰式燒墨魚鬚
墨魚鬚爽口彈牙，配埋啤酒一流。
香燒翠玉瓜
清甜多汁，燒過之後更香，作為蔬菜類選擇非常合適。
鹽燒雞腿肉
雞皮燒得香脆，肉質嫩滑，鹽味剛好，簡單但好味。
椒鹽雞軟骨
外脆內爽，咬落去有咯吱聲，越食越上癮。
鹽燒牛舌心
厚切牛舌，口感彈牙，肉味濃郁，推薦畀鐘意牛舌嘅朋友。
豚肉牛油果卷
牛油果軟滑，配上鹹香豚肉，口感豐富，有驚喜，而且有牛油果感覺好健康🤣
焦糖菠蘿鵝肝醬多士（2件）
鵝肝醬濃郁，配上微焦嘅菠蘿，甜中帶鹹，好有層次。
久肚魚三味（椒鹽、紫菜味、泰式辣醬）
九肚魚炸得香脆，內裏超軟，唔油膩，最鍾意點埋個泰式辣醬，超級開胃！
芝士年糕（2件）
年糕煙韌，芝士拉絲效果十足，熱辣辣食最正。
蒜蓉菜脯燒茄子（微辣）
茄子燒得軟腍，蒜香濃郁，都算係串燒嘅必選之一！不過呢度好特別，加埋菜脯嘅鹹香，味道更有層次。
蝦多士（2件）
外層酥脆，蝦膠厚實彈牙，唔會太油，一份兩件同朋友share啱啱好
墨魚滑＋紫菜＋大蝦
墨魚滑鮮甜彈牙，紫菜增添香氣，大蝦爽口，三重口感一次滿足。
蟹粉豆苗
豆苗嫩滑，蟹粉香濃，味道鮮甜，真係冇諗過居酒屋都食到咁高質嘅菜🤣🤣
🍺 飲品
Sapporo生啤（買一送一）
冰凍清爽，啤酒花香氣十足，配串燒啱晒，買一送一真係抵飲。
