豐生水起 (已結業)

話說我都幫襯過呢間食肆都幾次，次次嗰女經理態度都好差，好似欠咗佢咁。不過呢度打邊爐啲料確實係唔錯同新鮮，所以都決定鼠年之前嘅團年飯嚟呢度食。事前我媽咪訂檯時，個女經理用啲唔好態度同我媽咪講當日唔訂團菜就冇其他嘢食，咁我媽咪就預訂其中一款團菜，順便訂位。之後我哋睇咗個團菜要半團都食唔晒，所以打去改當晚打邊爐。因為係媽咪打去嘅關係，佢話俾人喺電話晦氣收線。好啦到咗當日，我早咗啲所以入去攞位先，嗰位火經理大大聲語氣十分惡劣咁話：「訂咗團菜又改打邊爐嗰個呀！」😡真係好嬲。當我哋想點餸時（當時成間舖只有我同其他一檯食客）佢望完我哋呢檯就唔啋我哋，仲企喺收銀檯望住我哋舉手叫唔該都冇理我哋。嗰刻都有其他服務員姐姐，因為佢哋忙緊擺檯，佢可能係經理啩，唔落單都唔洗咁冇禮貌，望住我哋講聲「等等」都冇，成餐飯成家人都食到嬲爆爆。當晚開始8成滿坐時，想加湯，呢個時候服務員姐姐想嚟幫我哋加湯時，佢就示意等佢嚟，加湯時黑口黑面，反而其他服服員姐姐親善有禮。其實我哋一家人都幾滿意呢度嘅食品，尤其係個花膠雞湯，而且環境同坐位尚算舒適。但係經過呢次之後，好肯定我哋唔會再幫襯。