茶皇殿

營業中

休息中

其實都差唔多係一年前去食，原本佢實在太難食，係完全冇心機打食評！因為連相都冇影！但係最近行過，諗諗吓難食係咪更加應該要寫食評比更多人知道唔好中伏？雖然食完已經過咗一段時間，但係令我非常深刻，佢竟然可以做到成餐飯冇一樣嘢好食！😱😱😱😱 呢個難度都幾高😂最記得係食普通煎腸粉，問佢拎花生醬/麻醬，佢竟然話冇！！ 喂大佬咁大間酒樓食腸粉竟然冇麻醬呢樣必須品？？我去街市小食檔買幾蚊一條都有啦！🤷🏻‍♀️仲有就係食鳳爪排骨飯，個飯竟然係生米！超硬 完全未煮熟🤮 食咗兩啖我都唔知點食落去⋯⋯⋯⋯再者，好似標榜係招牌嘅流心奶黃包？無可否認佢個樣真係做到好靚，黑色包皮 + 金色素點綴✨ OK呢個外貌係唯一好評😅 但係一搣開，Sorry 係一啲流心都冇嘅！唔係誇張，呢個真係人生食過最難食嘅茶樓！咁都開到有人食，真係顛覆晒我嘅認知🤢 不可一不可再！貼錢我都要考慮吓～❌