影片
更多
2021-01-14
35 瀏覽
繼上星期六吃過海南雞飯後對此念念不忘、於是又再出動搵出色嘅「海南雞飯」。見到 chatterbox express系由前文華酒店大廚主理，相信水準都唔錯。以快餐店形式經營，裝潢簡潔。半自助、先付款接著會有店員送跟，套餐份量十足，一碟去骨海南雞、香茅飯、清湯、三色醬及飲品。海南雞上是全脾位，閃閃亮亮既雞皮下，隱藏著一層可遇不可求啫喱位。鷄肉嫩滑有光澤，肉香味濃亦爽滑。鷄件下墊左生菜，碟底亦有汁，同平時食到既泰式海南雞系有點分別，醬汁亦比豉油香，整體而言水準甚高，價錢可以反映到。每次食海南雞飯，我最期待就系啖雞油飯，呢碗飯同我上星期吃到的黃薑香茅飯有啲不一様，這口飯顏色比白飯深幾度，口感乾爽不油，香茅味突出，果然連飯都好味出色。近日天氣寒冷，必食軀寒Bak Kut Teh 「肉骨茶配白飯」 $108先試一口湯底，藥材味不重，超重胡椒辛辣，真係一邊喝鼻水一邊流，成個人都暖返。窩內的一字排大大件，不會有太多脂肪位，一咬落去肉同一字骨自動分開，肉質夠稔，加左豆腐泡同金菇令成個感覺十分豐富，仲有脆卜卜油炸鬼，又有白飯，真係超級飽。另外加一份小食「雞肉串燒」$48 呢碟醬真係冇得輸，花生醬和沙爹醬兩
見到 chatterbox express系由前文華酒店大廚主理，相信水準都唔錯。
以快餐店形式經營，裝潢簡潔。半自助、先付款接著會有店員送跟，
套餐份量十足，一碟去骨海南雞、香茅飯、清湯、三色醬及飲品。
海南雞上是全脾位，閃閃亮亮既雞皮下，隱藏著一層可遇不可求啫喱位。鷄肉嫩滑有光澤，肉香味濃亦爽滑。鷄件下墊左生菜，碟底亦有汁，同平時食到既泰式海南雞系有點分別，醬汁亦比豉油香，整體而言水準甚高，價錢可以反映到。
每次食海南雞飯，我最期待就系啖雞油飯，呢碗飯同我上星期吃到的黃薑香茅飯有啲不一様，這口飯顏色比白飯深幾度，口感乾爽不油，香茅味突出，果然連飯都好味出色。
近日天氣寒冷，必食軀寒Bak Kut Teh 「肉骨茶配白飯」 $108
先試一口湯底，藥材味不重，超重胡椒辛辣，真係一邊喝鼻水一邊流，成個人都暖返。窩內的一字排大大件，不會有太多脂肪位，一咬落去肉同一字骨自動分開，肉質夠稔，加左豆腐泡同金菇令成個感覺十分豐富，仲有脆卜卜油炸鬼，又有白飯，真係超級飽。
另外加一份小食「雞肉串燒」$48
呢碟醬真係冇得輸，花生醬和沙爹醬兩者味道平衡得好好，少少辛口，點到即止，鷄肉不乾，加埋沙爹醬真係好好食。
第一次飲 「熱美祿恐龍」套餐加 $6
味道和平常既美祿一樣，只係打左奶泡令口感更豐富。
張貼
