影片
更多
2020-10-22
104 瀏覽
🌸#girlsfoodies葵芳#girlsfoodies小食#girlsfoodies日本菜 🌸【💛 #GF_List 】⭐評分: 7/10———————————————小pin中學時代係屯門紅橋排死隊，都係為咗食呢間章魚燒，當年以激多葱章魚燒聞名。之後喺蝴蝶邨開咗分店，幾年前結業，估唔到最近喺葵芳廣場東山再起😳新店一樣超多人排隊～——————————————————
▪️ 超爆多蟹籽 (6粒 $34 8粒 $40 )▪️ 超正啖啖明太子 (6粒 $33 8粒 $39 )▪️ 雙拼加$2新店竟然冇咗當年最鍾意嘅激多葱章魚燒！雖然推出左其他新口味，但係小店嘅招牌&集體回憶真係無可取替😭😭我哋今次就試咗明太子同蟹籽味，大概20分鐘先有，所以建議大家去到3樓買咗章魚燒先，先再去Top世界掃其他嘢食☺️章魚燒以木盒盛載，塞完八粒淨低嘅空隙，就塞咗啲木魚碎係側邊。明太子味上面有好大篤明太子，但老實鹹鮮味唔太出，沙律醬份量亦較餐牌見到嘅少，食落無期待嘅滋味（利申沙律醬愛好者）；不過蟹籽味真係海量脆卜卜嘅蟹籽，呢個正🤤章魚燒幾大粒，但咬落唔係超級熱，至少成粒啪都唔會淥熟條脷
【💛 #GF_List 】
⭐評分: 7/10
———————————————
小pin中學時代係屯門紅橋排死隊，都係為咗食呢間章魚燒，當年以激多葱章魚燒聞名。之後喺蝴蝶邨開咗分店，幾年前結業，估唔到最近喺葵芳廣場東山再起😳新店一樣超多人排隊～
——————————————————
▪️ 超爆多蟹籽 (6粒 $34 8粒 $40 )
▪️ 超正啖啖明太子 (6粒 $33 8粒 $39 )
▪️ 雙拼加$2
新店竟然冇咗當年最鍾意嘅激多葱章魚燒！雖然推出左其他新口味，但係小店嘅招牌&集體回憶真係無可取替😭😭
我哋今次就試咗明太子同蟹籽味，大概20分鐘先有，所以建議大家去到3樓買咗章魚燒先，先再去Top世界掃其他嘢食☺️
章魚燒以木盒盛載，塞完八粒淨低嘅空隙，就塞咗啲木魚碎係側邊。明太子味上面有好大篤明太子，但老實鹹鮮味唔太出，沙律醬份量亦較餐牌見到嘅少，食落無期待嘅滋味（利申沙律醬愛好者）；不過蟹籽味真係海量脆卜卜嘅蟹籽，呢個正🤤
章魚燒幾大粒，但咬落唔係超級熱，至少成粒啪都唔會淥熟條脷。入面粉漿較多，而且唔係以前嗰種軟心感覺，又未去到街邊章魚燒咁實，但一定唔夠軟糯、空氣感不足。
擺入口一咬，無「卜」一聲之後熱辣辣嘅漿係口中爆發嘅感覺。章魚份量亦不多，好幾粒只有隻短短嘅腳🥺 成件事咬落去就覺得粉漿好多同唔夠惹味。唔知係個日多單唔好彩定點？
同出面一般小食店比當然較正宗、較出色，但食過章魚無雙真係會再有比較😖呢個粉漿較多嘅版本，唔係好啱我哋口味，個人偏好再軟腍腍啲、沙律醬多啲嘅version。🤤
另外以前係日本食章魚燒，木魚碎會直接灑喺章魚燒上，沙律醬充當膠水，黏附著木魚碎。咁一啖食落去就可以食晒所有嘢，但正如上面話到，呢個沙律醬唔算多，所以食嘅時候好難痴起啲木魚碎，最後只淪為裝飾、有點浪費😢
✨ 屯の大阪章魚燒 ✨
📍 葵涌廣場3樓摩登世界1號舖（Jollibee快樂蜂對面）
⏰ 1200-2230
張貼
