又到中秋,又係食月餅嘅季節,大型連鎖餅店各出奇謀,宣傳舖天蓋地之際,偶然行經深水埗發覺呢間老子號竟然有好多已經久違的月餅,例如有豆沙,椰蓉,豆蓉,五仁,金華火腿等,呢D兒時嘅味道雖然未必人人好但係依家已經唔易揾到.當D冰皮月餅味道出到古靈精怪,連奶茶味都出埋,不如反璞歸真,食番D傳統味道反而另有一番滋味.有個好處係逐個買,每個都係大約由$19至$2X不等,執齊一盒都唔駛$100,比一般連鎖餅店及茶樓抵好多,而味道方面更加有過之而無不及,最低限道係香港製造,新鮮熱辣出爐,唔好食都幾難.
以上食評乃用戶個人意見 , 並不代表OpenRice之觀點。
讚好
人均消費
$20 (其他)
