有最基本嘅湯河 撈檬 米紙卷 春卷
可以叫set (包汽水或茶）或者散叫
▶️ 扎肉雞絲撈檬 ($64)
份量好大嘅 賣相唔錯
上面四片扎肉 一堆雞絲 灑咗好多炸蒜
檬粉幼身 夾雜住生菜🥬青瓜絲🥒紅蘿蔔絲🥕
旁邊只係俾咗一碟檬粉汁 不過都夠味嘅
食落鹹鹹酸酸甜甜咁 雖然有辣椒仔 但係只要唔咬落去就唔會好辣🌶️
檬粉質感一般 唔煙韌又冇乜咬口 而且好斷 有啲難夾
生菜 青瓜 紅蘿蔔絲就幾脆口清新嘅
🐔雞絲腍但乾身 扎肉冇乜特別味道
整體覺得佢味道上差啲 可能係冇落花生粒？冇用足夠越式香料？唔夠多魚露？感覺唔夠正宗越式風味🇻🇳
由頭到尾都係同一隻味……比較單調
▶️ 綠茶
跟餐綠茶🍵冇加糖 味道正正常常
-
味道方面未到班😅 不過好在啲肉類足料 份量大
服務一半一半 個男人語氣冇咁好 但係個女侍應就好好禮貌嘅
環境來講坐得舒服 但係衛生方面有待改善 食食吓隔離忽然間有隻曱甴😰旁邊亦有一兩隻蚊
價錢一般啦 比起其他附近嘅越南菜貴少少
