影片
更多
2013-06-23
1065 瀏覽
今日同老婆即興食自助餐, 拿拿聲book左2+2宵夜buffet, 點知惡夢來了.諗住二百蚊位既宵夜自助餐沒有抱太大期望, 志在玩下, 十點鍾開始食九點五十分已排晒長龍, 排隊既人又逼又撞, 嘈吵不斷, 又想打尖, 好似返左大陸咁, 當時已經想走, 不過臨時臨急又唔知食咩所以決定留底, 亦係我呢一生人最錯既決定.真正既自助餐就係打仗, 一搶閘入到去d人好似餓鬼咁係咁搶野食, 好多野食俾人夾晒, 酒店又refill得慢, 我心都淡, 晒唯有食沙津先, 味道平平, 但我老婆就話沙津好難食第二轉食魚生, 得三文魚和鯛魚, 味道比想像中差, 無魚味, 個師父切得好細塊. 另外攞左三件吞拿魚壽司, 件吞拿魚的血醒味好勁, 拎開塊吞拿魚望一望舊飯, 成舊飯都係紅色, 當時好想嘔.第三轉攞生蠔, 排左唔知幾耐先到我, 每次攞得三隻, 而且好細隻(好似個五毫子咁大), 不過冇醒味都ok第四轉攞熟食, 味道都係一般自助餐質素第五轉見到炸魚餅, 魚塊, 歐陸腸, 煙肉, 諗住呢d大路野應該同大叉樂, 美針水準差唔多, 點知水準差咁遠, 每樣食左半塊就冇再食.第六轉攞左碗粉都ok既, 一般自助餐貿素, 諗住
諗住二百蚊位既宵夜自助餐沒有抱太大期望, 志在玩下, 十點鍾開始食九點五十分已排晒長龍, 排隊既人又逼又撞, 嘈吵不斷, 又想打尖, 好似返左大陸咁, 當時已經想走, 不過臨時臨急又唔知食咩所以決定留底, 亦係我呢一生人最錯既決定.
真正既自助餐就係打仗, 一搶閘入到去d人好似餓鬼咁係咁搶野食, 好多野食俾人夾晒, 酒店又refill得慢, 我心都淡, 晒唯有食沙津先, 味道平平, 但我老婆就話沙津好難食
第二轉食魚生, 得三文魚和鯛魚, 味道比想像中差, 無魚味, 個師父切得好細塊. 另外攞左三件吞拿魚壽司, 件吞拿魚的血醒味好勁, 拎開塊吞拿魚望一望舊飯, 成舊飯都係紅色, 當時好想嘔.
第三轉攞生蠔, 排左唔知幾耐先到我, 每次攞得三隻, 而且好細隻(好似個五毫子咁大), 不過冇醒味都ok
第四轉攞熟食, 味道都係一般自助餐質素
第五轉見到炸魚餅, 魚塊, 歐陸腸, 煙肉, 諗住呢d大路野應該同大叉樂, 美針水準差唔多, 點知水準差咁遠, 每樣食左半塊就冇再食.
第六轉攞左碗粉都ok既, 一般自助餐貿素, 諗住沖杯熱奶茶飲, 有條友都唔知爭咩, 一撞撞瀉左我半杯奶茶, 真係士多啤梨.
最後攞左小小雪糕食, 好似得一款係huggies, 其他都係牛奶公司, 不過冇咩所謂. 我老婆話d甜品好難食, 我食左一舊就食唔到第二舊. 同埋夾生果既時候, 有個阿叔係度搶, d生果都仲有好多係度, 都唔知佢搶咩, 佢夾到趺左兩舊西瓜落地
埋單四百蚊, 未試過食到一肚氣, 每次夾野食都有特別事情不能一一盡錄, 只係寫呢遍文章難消我心頭之恨, 我只能忠告大家不可一, 不可再, 向帝都說不
題外話/補充資料：
我覺得尖沙咀的百樂酒店自助宵夜仲好食過帝都好多
(以上食評乃用戶個人意見 , 並不代表OpenRice之觀點。)
張貼