影片
更多
2021-03-18
1335 瀏覽
約左朋友食放題，於是就出旺角物色下食邊間好。四川串串放題好小見，我曾經係內地食過，基本上香港都未見過，所以我地就決定試下！食呢啲串串其實我覺得好貴，因為以每串計算，份量又小，每款都想試，所以有放題就要串盡啲！食多幾串✌🏻我地大概5點左右就食，估唔到呢個時間都有幾枱客人。因為餐廳面積較細，所以繁忙時間食可以先訂枱。任食餐牌有好多串串，仲有小食選擇，仲有粉麵，甜品添。。強烈建議大家要加錢任飲，因為一支支單叫唔化算，食食下好辣就需要大量飲品，仲有啤酒可以揀㗎，都係任飲。第一輪我地先點小食麻辣豬紅呢個必點！！豬紅好好食又入味，細細粒，一啖一粒，食不停口，我自己食左3碗😆不過我覺得係越食越辣，但又辣得好好食😋棒棒雞其實係類似雞絲粉皮，又係好好食，味道調配剛好，清新好食香辣無骨鳳爪一隻一啖，入口都幾辣麻辣千層肚好爽，不過我覺得唔入味重點一大盤串串呢啲串串點完order，廚房煮好先拎出嚟，所以唔係自己放落去麻辣鍋煮，亦唔會搞到個身成陣麻辣味。我地點左真係好多好多，大概每款點左4串，一串串食真係好有風味。我好怕食太辣，所以串串食唔辣就算，湯底應該係豬骨清湯。大部分我都有點，不過牛肉雞胗呢啲醃左麻辣粉，
食呢啲串串其實我覺得好貴，因為以每串計算，份量又小，每款都想試，所以有放題就要串盡啲！食多幾串✌🏻
我地大概5點左右就食，估唔到呢個時間都有幾枱客人。因為餐廳面積較細，所以繁忙時間食可以先訂枱。
任食餐牌有好多串串，仲有小食選擇，仲有粉麵，甜品添。。強烈建議大家要加錢任飲，因為一支支單叫唔化算，食食下好辣就需要大量飲品，仲有啤酒可以揀㗎，都係任飲。
第一輪我地先點小食
麻辣豬紅
呢個必點！！豬紅好好食又入味，細細粒，一啖一粒，食不停口，我自己食左3碗😆不過我覺得係越食越辣，但又辣得好好食😋
棒棒雞
其實係類似雞絲粉皮，又係好好食，味道調配剛好，清新好食
香辣無骨鳳爪
一隻一啖，入口都幾辣
麻辣千層肚
好爽，不過我覺得唔入味
重點一大盤串串
呢啲串串點完order，廚房煮好先拎出嚟，所以唔係自己放落去麻辣鍋煮，亦唔會搞到個身成陣麻辣味。我地點左真係好多好多，大概每款點左4串，一串串食真係好有風味。我好怕食太辣，所以串串食唔辣就算，湯底應該係豬骨清湯。大部分我都有點，不過牛肉雞胗呢啲醃左麻辣粉，我覺得好辣同唔夾豬骨湯😂
牛肉麵
估唔到佢個麵底幾好食，
啲麵qq又唔會痴住一Patpat。
冰粉
我第一次食，原來好似食緊jelly，入面加左啲山渣，瓜子，提子乾，芝麻，甜甜的。。
其實一邊傾計一邊食，真係可以食好多串串，不經不覺我諗我地過百串，不過啲職員會不停密密收走啲串串，所以我影唔到最後串串嘅震撼感
所以呢個串串放題都幾抵，不停食串串仲平過單點，唔怕個身有一陣麻辣味，又有小食又有麵，一定夠飽！仲有啲職員好友善，會問夠唔夠飽😂又問下你好唔好食。。唔洗2個鐘，一定飽哂🍢🍢
張貼
