太吉 (已結業)

食物: 質素非常普通，唔好食。完全冇居酒屋燒烤嘅基本技術。專登試啲熱門推介，雞肉棒，飯團，牛舌，冇一碟好食。唯一好食係雞泡魚干。菠蘿，粟米都唔好食。價錢: $50-90一碟，每碟一串。我地叫左7碟，加一小樽清酒。服務: 非常差。食左一小時，當時兩人已經叫左$600，都被不停催加單。見我地冇再加單，就叫我地即刻埋單。俾說話人聽，話因為我地坐耐左（total 用膳時間90分鐘），有2轉人係出面等而走左，令佢地損失左客。總體而言，$600 坐60分鐘，食物不似預期，好大落差。呢個價錢，可以有更多其他更好選擇。