芝加哥串燒 (美豐花園) (已結業)

不愉快外賣經驗外賣自取19:50經openrice 落單，見到20:36可以取餐，點知去到閂咗閘，打電話問就話差少少，要等多10分鐘。喺門口等咗10分鐘再打去就冇人聽電話，打咗幾次，至少過咗5-10分鐘先有人聽電話，話隻春雞太大隻所以要燒耐啲...最後係大約21:10先至拎到嘢食..完全有理由相信係我打電話去問點解閂咗閘先開始燒！食物普通..好似搽蜜糖燒嘢食啲味，聲稱會比大隻啲你嘅燒春雞原來係得半隻嘅普通size。最離譜喺嗰串燒五花腩，$32得3粒仔！size只係女仔手指尾2節咁大粒，又燒到好韌好硬..仲有燒雞腎..硬到咬唔開，實淨到不得了...呢間餐廳不了。