影片
更多
2020-12-30
1313 瀏覽
唔少香港人都鍾意食越南嘢，貪其香料夠清新又唔油膩。早排就有朋友推介咗呢間叫「春嬌」嘅越南菜館俾我，聽說店子很有人氣，頗受附近上班族和街坊歡迎。餐廳位於加路連山道，由港鐵銅鑼灣站 F1 出口步行過來，也只是 5 分鐘路程，交通挺方便。店子環境不俗，舖面寬敞闊落，而且佈置得很有心思，特色擺設隨處可見。牆身上掛滿了色彩繽紛嘅斗笠和掛畫，配上垂吊而下的竹編燈罩，裝潢充滿越南風情。餐廳採自助形式落單，客人只須掃描二維碼 QR Code，便可以即時用手機在電子菜單上選取點餐！我哋點咗一客咖喱牛腩飯，一份下午茶餐，另外再加咗碟菜同小食。咖喱牛腩飯：牛腩大約有 5、6 件，每件都好完整厚身，肉質肥美有咬口，而且食落唔會乾爭爭。咖喱汁富馥香，味道濃惹，微微滲出辣勁，但又不會太嗆。薯仔帶天然甜味，另外加咗隻日本荷包蛋。荷包蛋周邊脆卜卜，夠晒香口，中間流心蛋黃，蛋味香濃，撈飯吃一流。下午茶餐揀咗：招牌洋蔥豬扒脆脆豬，個豬扒包相當有睇頭，絕對無將貨就價，非常大個。豬扒醃得夠晒入味，肉質好鬆化，入口充滿肉汁，味道鹹鹹香香，配埋爽口的洋蔥同香脆的豬仔包吃，非常美味。馬拉盞炒通菜：碟通菜炒得勁香口，嫩綠得嚟又夠爽甜
唔少香港人都鍾意食越南嘢，貪其香料夠清新又唔油膩。早排就有朋友推介咗呢間叫「春嬌」嘅越南菜館俾我，聽說店子很有人氣，頗受附近上班族和街坊歡迎。
餐廳位於加路連山道，由港鐵銅鑼灣站 F1 出口步行過來，也只是 5 分鐘路程，交通挺方便。
店子環境不俗，舖面寬敞闊落，而且佈置得很有心思，特色擺設隨處可見。牆身上掛滿了色彩繽紛嘅斗笠和掛畫，配上垂吊而下的竹編燈罩，裝潢充滿越南風情。
餐廳採自助形式落單，客人只須掃描二維碼 QR Code，便可以即時用手機在電子菜單上選取點餐！
我哋點咗一客咖喱牛腩飯，一份下午茶餐，另外再加咗碟菜同小食。
咖喱牛腩飯：牛腩大約有 5、6 件，每件都好完整厚身，肉質肥美有咬口，而且食落唔會乾爭爭。咖喱汁富馥香，味道濃惹，微微滲出辣勁，但又不會太嗆。薯仔帶天然甜味，另外加咗隻日本荷包蛋。荷包蛋周邊脆卜卜，夠晒香口，中間流心蛋黃，蛋味香濃，撈飯吃一流。
下午茶餐揀咗：招牌洋蔥豬扒脆脆豬，個豬扒包相當有睇頭，絕對無將貨就價，非常大個。豬扒醃得夠晒入味，肉質好鬆化，入口充滿肉汁，味道鹹鹹香香，配埋爽口的洋蔥同香脆的豬仔包吃，非常美味。
馬拉盞炒通菜：碟通菜炒得勁香口，嫩綠得嚟又夠爽甜，同鮮濃的馬拉盞十分匹配，食落微辣又唔會好油膩，味道很不錯。
春嬌豬肉粉包：粉包嘅粉皮好煙韌，食落非常香滑，入面塞滿豬肉餡料，蘸點魚露來食，口感味道俱佳。
跟餐飲品點咗椰汁冰 同 熱龍眼水，椰汁冰入口充滿清新嘅椰香，如果可以加啲果肉就更正。熱龍眼水非常足料，內有不少龍眼肉，味道清甜不膩。
店員服務不錯，殷勤有禮，埋單嘅時候仲叫我哋等晚市開返堂食，嚟試下佢哋嘅越式火鍋。
張貼
