一點心 (通菜街)

營業中

休息中

講起食點心，通常只會諗到係酒樓飲茶、食一籠籠點心，又或者係微波爐叮叮點心。反而好少去一啲點心專門店，所以對我而言係幾新鮮。當晚我同同行人都算頗早到店，大約5、6點左右，唔使等位就入得。店鋪都幾光猛，枱與枱之間唔算太逼，坐得都算舒服。我地點咗幾樣點心：酸甜炸雲吞、蒜香蝦春卷、蟹皇蒸燒賣、薄皮鮮蝦餃、腸粉、北菇滑雞飯等。酸甜炸雲吞附有好似泰式辣醬嘅甜酸醬，雲吞蘸上醬料後幾開胃。炸雲吞熱辣辣，幾香脆，唔會太油膩。不過個人覺得炸雲吞塊皮太大，有啲搶咗餡料風頭嘅感覺。蒜香蝦春卷春卷幾香口，炸得金黃，不過不失。蟹皇蒸燒賣幾大粒，燒賣口感彈牙。薄皮鮮蝦餃呢款都係普普通通，鮮蝦幾香，稍嫌蝦餃皮太乾。腸粉唔太記得係叫咗邊款腸粉，但腸粉皮反而令我印象都幾深刻。同以往食開嘅質感好唔同下，皮薄之餘帶種煙韌，而且幾入味。北菇滑雞飯呢碗飯睇落細細份，但其實都夠飽肚。北菇同雞件都幾香，雞件滑嫩。