可可豬椰香海南雞專門店

營業中

休息中

🔸特色椰香海南雞飯🐥賣相幾好，隻雞幾嫩滑，隻雞又唔肥，幾鍾意食佢個飯同一般海南雞飯嘅油飯唔同，呢度係椰香飯，個椰子味都幾出，好香，完全唔會覺得油膩。旁邊仲有好多木瓜沙律，整體份量都幾多，一個人食夠晒飽。另外附有一小盒醬汁俾你點海南雞，個汁好好食，有啲蒜、酸酸甜甜咁😋🔸首創竹絲雞海南雞飯🐣黑蚊蚊既海南雞😂個樣一開始覺得有啲恐怖，阿媽話通常竹絲雞都用嚟煲湯，第一次見用嚟整海南雞飯🤣寫住係自創既，佢哋用竹絲雞嘅原因係比普通雞營養價值高啲，滋陰清熱同埋保肝益腎，好養生！我覺得竹絲雞嘅雞肉比較實淨啲。兩個飯都配有雞湯，飲落去冇味精，有一兩舊小蘿蔔，清清地唔錯。🔸泰式酸辣無骨鳳爪呢個好抵食，有好多隻鳳爪，酸酸甜甜好開胃！底下面仲有勁多木瓜沙律，食極都有😂🔸日本白桃乳酸梳打🍸加$12就有杯梳打，平時泰國餐廳飲一杯都至少20幾蚊，都幾抵飲，幾香桃味，見到佢用咗泰國梳打水。未拎咗返屋企已經飲咗😋🔸熱情豐富🍹即係熱情果、杞子、青檸汁，清清地唔算好甜，有啲熱情果籽咬下，感覺幾健康。